Bucarest

bucarest3168

Bucarest

28-07-2011

Antigamente coñecida coma o “París de Oriente”, Bucarest é a capital de Romanía. A cidade máis próspera de Europa Oriental caracterízase polas súas amplas avenidas cargadas de árbores. Arquitectonicamente, é unha mestura de todos os estilos: dende o medieval, pasando polo art nouveau ata o contemporáneo.
O centro de Bucarest posúe unha gran cantidade de atractivos turísticos. Preto da Praza da Revolución atópase o Palacio Real, o cal alberga o Museo Nacional de Arte. Esta zona tamén é un excelente lugar para disfrutar da gastronomía local ou da vibrante vida nocturna. Grazas a todas estas virtudes e a moitas máis, a cidade da alegría (como o seu nome indica), está a espertar un crecente interese por parte de viaxeiros de todo o mundo.

Galegos en Bucarest

Making Of


Mais información

Coordenadas: 44°25′57″N 26°06′14″L / 44.43250, -26.10389

Bucarest[1] (en romanésBucurești[bukuˈreʃtʲ] (AFI)) é a capital e centro industrial e comercial de Romanía. Está localizada no sueste do pais, ás beiras do Río Dâmbovița.

Segundo o censo oficial a 1 de xaneiro do ano 2010, Bucarest tiña unha poboación de 1 944 367 habitantes[2] , 2.3 millóns na área metropolitana.

Para os parámetros europeos, Bucarest non é unha cidade antiga, a primeira referencia que se ten dela é do ano 1459. Dende esa data Bucarest pasou por moitos cambios, facéndose capital do pais no ano 1862 converténdose no centro da cultura e as artes. A súa ecléctica arquitectura é unha mestura da historia, da época comunista e da modernidade. No período entre as dúas guerras mundiais, a arquitectura da cidade valeulle o sobrenome do "París do leste" ou "Pequeno París" (Micul Paris). Parte dos monumentos e igrexas foron destruída polas guerras, tremores de terra, incendios e no decurso da campaña de "urbanismo" emprendida por Nicolae Ceaușescu no século pasado. En anos recentes, a cidade volveu vivir un renacemento da súa cultura e economía.

Entorno xeográfico

Lago Cismigiu

A cidade de Bucarest esténdese ó longo do sueste do país, entre as cidades de Ploiești e Giurgiu e a marxe do río Dâmbovița, que se converte, en Argeș, nun dos afluentes do río Danubio. No perímetro urbano da cidade pódense atopar moitos lagos, como o lago Floreasca, o lago Tei, o lago Colentina, e no centro da cidade o lago Cișmigiu. Este lago atópase nos xardíns Cișmigiu, inaugurados no ano 1847 e deseñados polo arquitecto alemán Carl F. W. Meyer. A parte de Cișmigiu, existen dous parques máis, o Parque Herăstrău (onde se atopa o Muzeul Satului) e os xardíns Botánicos (os maiores de toda Romanía, contando con máis de 10.000 especies de plantas e flores exóticas).

Economía

A pesar de que só conta cun 10% da poboación romanesa, Bucarest produce o 25% do PIB do país, sendo a zona máis desenvolvida e industrializada de Romanía. Ó igual que o resto do país, esta cidade experimentou un importante desenvolvemento económico na última década. Bucarest recibe axudas económicas provenientes da Unión Europea (UE).

Bucarest conta tamén coa maior rede de transportes de Romanía e unha das maiores no centro e leste de Europa.

Demografía

Centro urbano de Bucarest

A poboación de Bucarest medrou considerablemente durante os dous últimos séculos, ó igual que a importancia de Bucarest como centro urbano.

Crecemento da poboación dende 1800:

Comunidades minoritarias

Comunidade xitana

A comunidade xitana (comunitatea romă) é unha das máis numerosas, contando no censo de 2002 con 27.322 persoas, o 1,4% da poboación.

Comunidade xudía

O "templo coral", a máis vella sinagoga de Bucarest

A comunidade xudía foi a máis numerosa na cidade ata o estourido da Segunda Guerra Mundial. En 1930 vivían na cidade 69.885 xudeus, que representaban o 10,93% da poboación da capital. As masacres perpetradas polos Lexionarios e pola Garda de Ferro durante o conflito, xunto coas posteriores emigracións a Israel fixeron que a comunidade case desaparecese da cidade.

No censo do 2002 a comunidade xudía de Bucarest era de 2.481 persoas.

Comunidade húngara

No censo de 1930, vivían na cidade 24.052 húngaros, representando o 3,76% da poboación municipal.

No ano 2002 o seu número baixara a 5.834, representando o 0,3% da poboación total. Na cidade de Bucarest funciona o Liceo Teórico Ady Endre vinculado á lingua húngara. A Casa Petofi é o centro cultural da comunidade, onde funciona unha biblioteca cunha importante fonte de volumes escritos na lingua húngara. Na cidade publícase diariamente o xornal da comunidade húngara, Új Magyar Szó, e a publicación mensual da comunidade: Bukaresti Kozlony.

Equipos deportivos

Imaxe do Estadio Nacional, Bucarest

Fútbol

Basquet

Rugby

  • Bucuresti.

Cidades irmás

source: http://gl.wikipedia.org/wiki/Bucarest

Comparte este destino

Alba González GallegoBucarest