Rotterdam

964_Rotterdam_Skyline1

Rotterdam

09-04-2013

Rotterdam é o porto marítimo máis grande de Europa e o segundo do mundo, motor industrial dos Países Baixos e centro económico, social e cultural do Estuario do Rin. Con pouco máis de 595.000 habitantes é a segunda cidade do país, por detrás de Amsterdam, e máis de un millón de persoas de 162 nacionalidades vive na súa rexión.

Situada no delta do Rin e do Mosa, a 30 quilómetros do Mar do Norte, Rotterdam toma o seu nome do río que a atravesa, o Rotte, e presenta unha personalidade estética propia dentro do país ao ter sido reconstruídas tres cuartas partes da cidade despois dos bombardeos da Segunda Guerra Mundial.

É por iso que Rotterdam é coñecida como a capital mundial da arquitectura moderna. Expertos e visitantes interesados na arquitectura atopan sempre o que buscan, ben percorrendo as súas rúas ateigadas de elementos arquitectónicos únicos, ben polas conferencias, excursións ou exposicións sobre arquitectura que cada semana teñen lugar nesta urbe.

Galegos en Rotterdam

Carlos Traba

Ten 41 anos, leva case toda a vida en Rotterdam pero non pode negar que é galego, concretamente de Fisterra. Con el coñecemos o principal porto de Europa de noite, vemos o pouco que quedou da cidade despois da Segunda Guerra Mundial e visitamos os estadios dos principais equipos de fútbol, o Esparta e o Feyenoord.

Gema Rodríguez

É unha luguesa de 41 anos que xa leva 15 nos Países Baixos onde botou raíces ao casar e ter dous fillos cun holandés. Con ela achegámonos ate os muíños de Kinderdijk, coñecemos Dordretch, a cidade máis antiga de Holanda, e visitamos Gorinchem, municipio da Holanda Meridional onde actualmente vive Gema.

Enrique Silva

Sesaxenario orixinario de Santa Comba, conta os días que lle quedan para xubilarse e volver a Galicia. De momento segue indo cada día á súa empresa en bicicleta, onde traballa de electrónico. Acompañámolo nunha travesía por un dos maiores portos do mundo a bordo do Spido, dende onde podemos gozar do perfil da cidade.

Julia Vieites

Marchou da Laracha hai 47 anos e estivo 30 limpando nun hospital. Agora está xubilada pero non deixou de traballar, xa que vai cada día á casa da súa filla a coidar dos netos. Coñecemos a súa familia e paseamos con eles polo zoo de Rotterdam.

Paula Santos

É unha coruñesa de 22 anos que veu a Rotterdam atraída pola cultura musical de Holanda. Aquí pode facer un máster especializado no seu instrumento, a viola. Entre outras cousas, coñecemos con ela un mercado típico e subimos á Euromast, a torre máis alta da cidade.

Alejandro Voces

Enviou un cento de currículos para buscar traballo na enxeñería naval e, canso de que ninguén lle contestase, colleu as maletas e chantouse en Rotterdam. Aos poucos días concedéronlle unha entrevista, contratárono, e agora, este vigués de 30 anos está deseñando o seu primeiro barco. Subidos no seu coche e vemos os principais atractivos de Rotterdam.

Making Of

Mais información

Coordenadas: 51°55′N 4°30′L / 51.917, -4.500

Rotterdam[1][2] (en neerlandés: Rotterdam, [ɾɔtər'dɑm] (AFI), Nl-Rotterdam.ogg escoitar) é unha cidade do oeste dos Países Baixos, situada na provincia de Holanda Meridional, preto da Haia e a uns 30 km do mar. É a segunda maior cidade do país despois de Ámsterdam cunha poboación de 625.472 habitantes. A súa área metropolitana acada os 2,82 millóns de habitantes.

O seu porto, situado á beira do río Mosa, é o maior porto marítimo do mundo. O nome "Rotterdam" é derivado de dam (presa) sobre o río Rotte, un pequeno río que conflúe co Mosa no lugar onde se fundou a cidade. A cidade foi destruída durante a Segunda Guerra Mundial polos bombardeos do exército alemán.

Historia

Róterdam destacou como notábel centro de transporte marítimo a finais do século XVII, durante o período coñecido como a Idade de ouro dos Países Baixos. A cidade, que se beneficiou de todo o tráfico marítimo asociado ao comercio da Compañía Holandesa das Indias Orientais, ampliou as súas instalacións portuarias e estendeuse ao longo do río Nieuwe Maas.

A profunda canle Nieuwe Waterweg (Nova Vía Acuática, 1866-1890) construíuse para permitir o acceso ao mar do Norte das grandes embarcacións marítimas. Esta canle e a expansión do comercio que provocou foron a principal causa do impulso económico que experimentou a cidade a finais do século XIX.

Gran parte da antiga cidade foi bombardeada e destruída durante a Segunda Guerra Mundial, despois do cal se construíu unha cidade moderna e de novo deseño, laboratorio de modernos deseños arquitectónicos. As principais áreas comerciais e residenciais atópanse na beira norte do Mosa.

Economía

Waalhaven de noite.

Europoort, un gran conxunto portuario no extremo oeste da canle, foi construído na década de 1960 para a descarga e almacenamento do cru procedente dos petroleiros.

Varias canles comunican a cidade con outros centros urbanos na Unión Europea. O cruzamento de canles máis grande do continente foi inaugurado en Magdeburgo en 2003, co que se posibilitou que o tráfico chegue até Berlín.[3]

Ponte de Erasmo.

Na beira sur do río Mosa existen outras instalacións e importantes industrias, entre as que se contan refinarías de petróleo, estaleiros e fábricas de produtos químicos, artigos de metal e refinarías de azucre.

Entre os produtos exportados destacan o carbón, a maquinaria e os produtos lácteos; as principais importacións son de aceite e gran.

Política

O 16 de outubro do 2008 a maioría socialdemócrata do consello municipal da cidade elixiu como alcalde ao marroquí Ahmed Aboutaleb. Aboutaleb é político de 47 anos de idade, que chegou aos Países Baixos na súa adolescencia, pasando máis tarde a formar parte do Partido dos Traballadores (PvdA), de orientación socialdemócrata. Anteriormente traballaba como Secretario de Estado para traballo e asuntos sociais no goberno de coalición de democristiáns e socialdemócratas d'A Haia.

Cultura e turismo

15 de maio de 2007, conmemoración do bombardeo da cidade por parte das tropas alemás na Segunda Guerra Mundial.

A cidade alberga o famoso Museo Boymans-van Beuningen (1847) e a Universidade Erasmo de Rotterdam (1973). Tamén podemos atopar o xardín zoolóxico Blijdorp, que posibelmente contén unha das máis belas colección de aves do paraíso do mundo.

Debido aos danos sufridos na Segunda Guerra Mundial, Róterdan converteuse nunha cidade estraña, diferente daqueloutras cidades centroeuropeas cuxos centros históricos reflicten o barroco do noso século, resultante da aglomeración de todo tipo de bazares, comercios, mercados, oficinas, vivendas, museos, igrexas... En Róterdam, isto non existe: a planificación das vías, beirarrúas e carrís-bici é perfecta, todo alcánzase rapidamente tanto en coche como a pé ou en bicicleta. A cidade pode parecer deseñada por computador, onde todo é novo. Con todo, se algo converte a Róterdam nunha cidade admirada é, sen dúbida, a súa obsesión arquitectónica. Non hai punto na cidade desde o que non se poida lograr un plano fotográfico inquietante. Pontes, escaleiras, bancos, farois, termómetros: en Róterdam, calquera obxecto recibiu un deseño arquitectónico diferente.

A combinación de formas suaves con formas agresivas, de liñas rectas con curvas, e de cores pálidas con brillantes atopa en Róterdam o seu mellor fogar. Porén, Róterdam decepcionar a quen busque nela á irmá pequena de Amsterdam. Non só a historia, as rúas ou os edificios, senón tamén o ambiente na rúa, non concordan co estereotipo da cidade holandesa.

As vistas da cidade na noite merecen, sen dúbida, a maior admiración. Pasear polas súas rúas observando os debuxos formados polas luces dos rañaceos, cruzar os tres grandes pontes da cidade portuaria en bicicleta ou pararse a respirar o aroma salgado das augas con máis poder comercial de Europa son pequenos praceres dos que non atopará ningunha referencia nas guías de viaxes.

Relacións internacionais

A cidade de irmandada con 14 cidades. Con outras 12 cidades mantén acordos de cooperación e ademais polas súas características de cidade portuaria tamén desenvolveu relación de irmandade con outros portos mundiais importantes.

Cidades irmandadas

Cidades con acordos de cooperación

Portos irmáns

Notas

  1. ↑ Definicións no Dicionario da Real Academia Galega e no Portal das Palabras para holandés.
  2. ↑ Outras fontes empregan as formas galegas Róterdan (Universidade de Vigo) ou Róterdam (Universidade da Coruña
  3. ↑ Autoestradas de auga
source: http://gl.wikipedia.org/wiki/Rotterdam

Comparte este destino